Wat kan jy verwag?
Ons wil hê jou eerste besoek moet rustig en gemaklik voel. Hier is ’n paar dinge wat jou kan help weet wat om te verwag.
’n Warm Ontvangs
Jy hoef nie alles te ken of te weet nie. Ons span help jou graag om jou plek te vind.
Aanbidding en Woord
Ons eredienste fokus op Jesus, die Woord en die werk van die Heilige Gees op ’n veilige en Bybelse manier.
Kom soos jy is
Jy hoef nie perfek voorbereid te wees nie. Kom eenvoudig saam aanbid, luister en beleef.
Vir jou kinders
Kinders is welkom
Ons weet dit kan spanning bring om vir die eerste keer saam met kinders by ’n nuwe gemeente in te stap. Daarom wil ons dit vir jou so maklik en veilig as moontlik maak.
Oase Kids is ’n plek waar kinders op hulle vlak van Jesus leer, veilig versorg word en deel voel van die groter geestelike familie.
Wat kan ouers verwag?
Ons span help jou graag om te weet waar jou kind moet ingaan, wat die proses is en waar jy hulle ná die diens weer kan kry.
- Veilige kinderbediening
- Vriendelike helpers
- Ouderdomsvriendelike lering
- Ruimte vir vrae